Դեկտեմբերի 19-ը՝ Աղքատներին օգնելու միջազգային օր

Դեկտեմբերի 19-ին համաշխարհային հանրությունը նշում է ՄԱԿ-ի կողմից սահմանված Աղքատներին օգնելու միջազգային օրը: Միավորված Ազգերի Կազմակերպությունն աղքատությունը դիտում է որպես «բավարար կենսակերպ ապահովելու համար անհրաժեշտ ռեսուրսների երկարատև հարկադրված բացակայության վիճակ»:

Միջազգային փորձագետների տվյալներով XX դարի վերջում երկրագնդի բնակչության գրեթե քառորդը, այսինքն, 1,5 միլիոն մարդ ծայրահեղ աղքատ գոյություն են վարում: Անցկացված հետազոտությունները նաև ցույց տվեցին, որ 1999-2007 թթ. ընթացքում աղքատությունից մահացել է ավելի քան 300 մլն մարդ: Անհրաժեշտ է նշել, որ նույնիսկ երկու համաշխարհային պատերազմները միասին վերցրած այսքան մարդու կյանք չեն խլել:

Սրա հետ կապված ՄԱԿ-ում ընդունված են մի քանի ծրագրեր, որոնց նպատակը աղքատությունն արմատախիլ անելն է: Աղքատության վերացման առաջին ծրագրերը սկսեցին գործել 2000 թ. սկզբից, սակայն, աղքատության եզրին ապրող մարդկանց թիվը դեռևս չի կրճատվում:

Չնայած նրան, որ համաշխարհային տնտեսությունն այսօր արագ է զարգանում, և ավելի ու ավելի շատ մարդիկ կարող են պարծենալ իրենց կյանքի բարձր մակարդակով, աղքատությունը դեռ շարունակում է մնալ մարդկության հիմնական խնդիրներից մեկը: Ի վերջո, աղքատությունը ո՛չ միայն գումարի անբավարարություն է նշանակում, այլ նաև արժանի աշխատանքի, հարմար բնակարանային պայմանների, լավ առողջապահության և կրթության հասանելիության բացակայություն:

Աշխարհի շատ երկրներում աղքատների ավանդական օգնությունը՝ պետական և միջազգային ծրագրերի հետ մեկտեղ, իրականացնում են տարբեր կրոնական և բարեգործական հասարակական կազմակերպությունները, ինչպես նաև մասնավոր հովանավորները:

Հիշեցնենք, որ դեկտեմբերի 17-ին ամեն տարի նշվում է նաև Աղքատության ոչնչացման համար պայքարի միջազգային օրը:

Հարցեր, պատասխաններ, մեկնաբանություններ